Uncategorized @ur

کوئٹہ گلیڈیٹرز نے اسلام آباد یونائیٹڈ کا شیرازہ بکھیر دیا۔

پی ایس ایل میں ہر روز ہر میچ میں شائقین کو کچھ نہ کچھ نیا اور دنگ کر دینے کا مل رہا ہے۔کسی ٹیم کے جیت مستقل قدم چومرہی ہے جبکہ کسی ٹیم کو شکست کا سامنا کرنا پڑ رہا ہے۔ دفاعی چیمپئن اسلامآباد یونائٹیڈ کو مستقل دوسری شکست کا سامنا کرناپڑا پہلے ملتان سلطانز سے اور آج کوئٹہ گلیڈئٹرز سے۔ 

اسلام آباد یونائیٹڈ کی بیٹنگ انتہائ کمزور نظر آئ جب کہ اس کے بر عکس کوئٹہ گلیڈیٹرز نے بیٹنگ اور بولنگ دونوں بھرپورانداز سے کی۔  کوئٹہ گلیڈیٹرز نے ٹاس جیت کر فیلڈنگ کا فیصلہ کیا جو کہ کوئٹہ گلیڈیٹرز کے حق میں کارآمد ثابت ہوئ اور سہیلتنویر اپنی ٹیم کی طرف سے بہترین باولر  ثابت ہوے اور انھوں نے پہلی ہی گیند پر رونکی کو پویلین روانہ کیا جب کہ کیچ احمدشہزاد کی جھولی میں گرا۔ اور اس ہی اوور میں وہ دوسری وکٹ بھی لے اڑے اور تنویر کی گیند کھیلنے سے قاسر شاداب خانکی وکٹ پر  سکور انتہائ پیچیدہ نظر آیا اور بنا کسی رن کے ۲ وکٹیں گر گئیں ۔

 جس کے ساتھ ہی سہیل تنویر نے آج سب سے زیادہ ٹی ٹوئنٹی کرکٹ میں پاور پلے کے دوران وکٹ لینے کا ریکارڈ بھی بنا دیا۔

جس کے بعد رضوان کا شکار محمد نواز نے کیا۔ جس کے بعد حسین طلعت نے  اسلام آباد یونائیٹڈ کے سکور کو کچھ آگے بڑھایالیکن وہ بھی ۳۰ رنز بنا کر فواد احمد کی گیند پر ڈگمگا گئے اور اپنی وکٹ گنوا دی۔

اس کے آصف علی نے سکور میں اضافہ کیا اور ۳۶ رنز کی اننگ کھیل کر سہیل تنویر کی گیند پر آؤٹ ہو گئے۔ 

اس کے بعد پارنل نے آکر اپنی دھواں دار اننگ کھیل کر چھکّے چوکّوں کی بارش کر کے ۴۱ رنز بنائے لیکن وہ بھی سہیل کیگیند کا شکار ہو گئے۔

اسلام آباد یونائیٹڈ کی کمزور بیٹنگ کوئٹہ گلیڈئٹرز کے گیند بازوں کو نہ برداشت کر سکی اور صرف ۱۵۷ رنز ہی بنا سکی جو کہکوئٹہ گلیڈئٹرز کے لئے مشکل ہدف نہ ثابت ہو سکا۔جو کہ مخالف ٹیم نے آسانی سے تعاقب کر لیا۔ 

کوئٹہ گلیڈئٹرز جو کہ پوائنٹس ٹیبل پر پہلے نمبر پر ہیں کوئٹہ کی طرف سے شین واٹسن اور عمر اکمل ہیرو نظر آئے۔ ۳۷ سالہشین واٹسن نے اننگ کا آغاز کیا اور چھکّے چوکّوں کی ایسی بارش کی کے اسلام آباد یونائیٹڈ کے تمام گیندباز ناکام ہو گئے۔ اوراس طرح شین واٹسن نے جارحانہ بلّے بازی کا مظاہرہ کرتے ہوئے ۸۱ رنز  ۵۵ گیندوں کی اننگ کھیل کر نمایاں رہے۔ جس کےساتھ ہی شین واٹسن نے ایک نہایت منفرد ریکارڈ اپنے نام کیا- وہ پی ایس ایل میں سب سے ذیادہ رن بنانے والے غیر ملکیکھلاڑی بن گئے۔ اور ساتھ ہی مین آف دی میچ کا ایوارڈ بھی اپنے نام کیا۔

ان کے ساتھی کھلاڑی عمر اکمل بھی پیچھے نہ رہے لاکھ تنقید کے باوجود عمر اکمل نے تمام تر تنقید نگاروں کو اپنے بلّے سےجواب دیا اور مسلسل دوسرے میچ میں کامیابی سمیٹتے ہوئے ۴۴ رنز کی اننگ کھیلی۔ عمر اکمل کی اس کارکردگی کو سب ہیسراہ رہے ہیں جس سے عمر اکمل کے اعتماد میں بھی اضافہ ہو رہا ہے –  عمر اکمل اس پی ایس ایل پر امید نظر آرہے ہیں اورسرفراز کی کپتانی میں کھیلنا بھی اکمل کے اعتماد میں اضافہ کر رہا ہے۔ عمر اکمل کا کہنا ہے کہ 

“میں آگے بھی کوئٹہ کے لئے اچھی کارکردگی دکھانا چاہتا ہوں تا کہ قومی ٹیم میں اپنی جگہ بنا سکوں “ 

کوئٹہ گلیڈئٹرز کی جانب سے کپتان سرفراز احمد نے ۱۵ رن بنائے اور اسلام آباد یونائیٹڈ کی جانب سے کوئی بھی کھلاڑی گیندبازی میں کمال نہ دکھا سکا اور رومان رئیس پاٹیل اور ڈیل پورٹ نے ایک ایک کھلاڑی کا شکار کیا۔